Prezidentin ictimai-siyasi məsələlər üzrə sabiq köməkçisi Əli Həsənov bir sıra saytlarda və sosial şəbəkədə guya saxlanılaraq Bakıya gətirildiyi və Vüqar Səfərlinin cinayət işi üzrə dindirildiyi barədə xəbərlərə öz feysbuk səhifəsində münasibət bildirib:

"Dəyərli səhifə izləyiciləri, əziz dostlar!
Azərbaycan cəmiyyətini çaşdırmaq məqsədilə, mütəmadi olaraq yalan xəbərlər uyduran və tirajlayan bir çox saytlarda- bizim.media az, bakupost az, publika az, axar az, demokrat az, yenisabah az və “çörəyi mənim haqqımda yalan yaymaqdan çıxan” digər yalan xəbər spekulyantlarının çamur guşəsində “Əli Həsənov tutularaq Azərbaycana gətirildi” başlıqlı növbəti yalan yayıblar.

Məlumat verirəm ki, mən oktyabr ayının 1-dən Bakıdayam, ev şəraitində müalicə olunuram və yadadıcılıq fəaliyyətimi də davam etdirirəm. Məni heç bir iş üzrə, heç bir yerdə də sorğulamayıblar."