“Əlbəttə, bütün bunların başında birinci növbədə qələbəmiz durur. Sevinc-sevincə qarışıb, şükür edirəm ki, torpaqlarımızın işğaldan azad edilməsini görmək mənə də qismət oldu”

Bunu Moderator.az-a açıqlamasında bu gün doğum gününü qeyd edən Xalq artisti Mübariz Tağıyev deyib. Xalq artisti xoş gününü evdə övladlarıyla qeyd etdiyini bildirib:

“Təbrikiniz üçün çox sağ olun. Doğum günümü evdə nəvələrimlə keçirirəm. Əlbəttə, bütün bunların başında birinci növbədə qələbəmiz durur. Sevinc-sevincə qarışıb, şükür edirəm ki, torpaqlarımızın işğaldan azad edilməsini görmək mənə də qismət oldu. Bu mənim üçün böyük xoşbəxtlikdir”.

Xalq artisti torpaqlarımızın 30 ilə yaxın işğalda qalmasına görə həmişə narahatlıq keçirdiyini bildirib:

“Bu illər ərzində bir az narahatçılıq var idi, problem sual altında idi. Ətrafdan bu problemin həll edilməsinə maneçilik törədənlər var idi. 44 gündə belə bir zəfər çalmaq ağılasığmayan bir şeydir. Biz nəhayət ki, Azərbaycan Ordusunun gücünü, qüvvətini gördük. Sən demə bu illər ərzində işlər gedirmiş. Ən əsası odur ki, bu qələbəylə Azərbaycan bütövləşdi, indi mən haralıyam-deyən yoxdur. Bu belə də olmalı idi. Diqqətiniz üçün sizlərə də təşəkkür edirəm”.